現代寫法
編輯
形容喺唔啱嘅時候或者地點做唔啱嘅事。中國民間傳說認為,灶君係保障廚房唔出事嘅神。每逢農曆年年尾,灶君就要上天向玉皇大帝述職,同時彙報埋焉家人善、焉家人惡。因此每到年尾,家家戶戶都要拜謝灶君,請佢上到天庭之後,喺玉皇大帝面前為佢等講返啲好說話,稱為「謝灶」。舊時廣州嘅習慣係:官府喺年廿三晚謝灶,民間就年廿四晚謝灶,妓戶(一說蜑家人)就年廿五晚謝灶。到咗年三十晚,灶君已經上完天庭述完職,返到人間,所以伊個時候再來謝灶嘅話,就一尐用都無。所以,廣府人就開始用「年三十晚謝灶」來形容「好做唔做」。