廣州音：
繁體/簡體：食七咁食
形容食飯嘅時候狼吞虎嚥。根據舊俗，人死後，死者嘅家人要每七日同死者做一次法事，做法事嘅時候要請死者嘅其他親人食飯。又有一種法事叫做「打醮」，為生人求福嘅同時，亦都為先人求超渡。打醮儀式結束之後，主辦儀式嘅人就要大擺盆菜宴，無論係村民定係過路人，人人有份，稱為「食七」。由於「食七」嘅飯餸都保證供應，於是有啲人就會放開肚皮狼吞虎嚥。所以「食七咁食」可以形容人食嘢嘅時候唔顧食相，或者食埋人等嗰份。
