幫手:拉丁文字母輸入幫助

為咗儘量貼近拉丁文原本嘅面貌，同時兼顧埋拉丁文學習者嘅需求，粵語維基辭典記錄經典拉丁文嘅時候，一定要喺保證準確嘅前提下標埋長音，可以嘅話就最好標埋重音；另外U要寫成V。爾一版係專門開來幫助嗰啲輸入附加符號有困難嘅用戶嘅。

複製粘貼輸入

使用Windows電腦嘅用戶，可以複製粘貼下面爾個表裏面嘅字母：

基本拉丁字母	A	E	I	O	V	Y	—	—
組合拉丁字母	—	—	—	—	—	—	Æ	Œ
有重音符嘅拉丁字母	Á	É	Í	Ó	V́	Ý	Ǽ	Œ́
有長音符嘅拉丁字母	Ā	Ē	Ī	Ō	V̄	Ȳ	ĀE / AĒ / Ǣ	ŌE / OĒ / Œ̄
兩個符號都有嘅拉丁字母	Ā́	Ḗ	Ī́	Ṓ	V̄́	Ȳ́	Ā́E / AḖ	ṒE / OḖ

註：「Y」通常祇用於拼寫希臘文借詞。

字元檢視器輸入

使用蘋果電腦嘅用戶，可以通過以下方法輸入附加符號：

1. 單擊輸入法選單，然後單擊顯示字元檢視器。如果攈唔到輸入法選單嘅話，請喺系統偏好設定→鍵盤裏面激活在選單列中顯示輸入法選單。
2. 喺字元檢視器左邊嗰欄裏面選擇語音字母。如果攈唔到語音字母嘅話，請單擊左上角嘅齒輪，喺下拉選單裏面單擊自訂列表⋯，再喺彈出來嘅選單裏面激活語音字母，最後撳完成。
3. 喺字元檢視器裏面攈到要加嗰個符號，然後單擊要加符號嗰個字母後面嘅空位，再雙擊要加嗰個符號，恁樣個符號就會出現喺字母嘅上面。

需要同時加兩個符號亦好簡單，加完一個再加另一個就得嘞。